हे बहिना आय छीयै मकर संक्रांति त्योहार हे,
चलअ खेबै दही चूड़ा लाय हे ना ।
आनबै बाजार सेअ तील, चुड़ा, गुड़
पौरबै दस- पंद्रह किलो दूध
हे बहिना तिल वाला मिक्स खिचड़ी बनेबै मजेदार हे
संग में घी, पापड़, अचार हे ना
हे बहिना ———-2।
निपबै गोबर सेअ अंगना घर
अरबा चौर पीसी बनेबै अरिपन,
हे बहिना नहाय- सोनाय तिल ,चौर, गुड़ चढेबै परसाद हे
सबकेअ तिल -तिल बहेबै आय हे ना ,
हे बहिना———-2।
एतै नहिरा सेअ बड़का भाय
संग में आनतै साड़ी- चूड़ी बोरा भैर लाय,
हे बहिना भैया लेअ बनेबै खाना छप्पन प्रकार हे खेबै सब मिल साथ हे ना,
हे बहिना————–2।
बनेबै हाथ सेअ हम पतंग
लाल ,पीला रंग -बिरंग,
हे बहिना धागा में बाँधबै उड़ेबै हम आकाश हे
छीयै पतंग त्योहार हे ना ,
हे बहिना———2।
नीतू रानी पूर्णियाँ बिहार।
स्कूल का नाम-म०वि०सुरीगाॅ॑व
प्रखंड -बायसी
जिला-पूर्णियाॅ॑,बिहार।
0 Likes