पुस्तक मेला – नीतू रानी-पद्यपंकज

पुस्तक मेला – नीतू रानी

Nitu

गे बहिना लागलै पुस्तक मेला रेणु उद्यान गे
चल करबै पुस्तक दान गे ना।

करबै सबकियो पुस्तक दान
गरीब पढतै बढ़तै सबकेअ ज्ञान
गे बहिना दान करले सेअ खुश हेतौ भगवान गे
मिटतै तम अज्ञान गे ना
गे बहिना लागलै पुस्तक——2।

गे बहिना राहुल कुमार डी0एम साहब
के द्वारा चललै ई अभियान
गे बहिना एकर तारीख 25जनवरी दू हजार बीस गे
किताब पढ़ै में नै एकोटा लागतै फीस गे ना
गे बहिना लागलै पुस्तक——

31जनवरी केअ 123 पंचायत में मिनी लाईब्रेरी केअ भेलै शुरुआत
पहला वर्षगांठ मनेलकै परोरा पंचायत
गे बहिना तखने सेअ शुरू भेलै पुस्तक दान गे
बढे लागलै सबके ज्ञान गे ना
गे बहिना लागलै पुस्तक—–2।

गे बहिना डी एम साहब के छै कहना
हर पंचायत में एक पुस्तकालय रहना
गे बहिना पंचायत के गरीब लोग पढ़तै बनतै विद्वान गे
तब हेतै लोक के कल्याण गे ना।
गे बहिना लागलै पुस्तक——2

सबसे पहले केलखिन डी0एम0 साहब पुस्तक दान
तखन पूर्व डी ई ओ साहब श्याम बाबू राम गे बहिना
तखन सब शिक्षा विभाग सहित सर उज्जवल सरकार गे
सफल भेलै सब कार्य गे ना
गे बहिना लागलै पुस्तक——2।

भारत में छै जिला 733
112जिला छै आकाक्षी
गे बहिना पुस्तक दान से हेतै
ई जिला के कल्याण गे
बढतै सबके ज्ञान गे ना
गे बहिना लागलै पुस्तक—-2।

गे बहिना मुखिया जी शिक्षक भाय
पुस्तक दान में लेलखिन्ह अहम भूमिका निभाय
गे बहिना नीती आयोग के भी छै ऐ में हाथ गे
देलखिन्ह छः कुर्सी एक टेबुल सात गे ना
गे बहिना लागलै पुस्तक—–2।
गे बहिना लागलै पुस्तक—2।


नीतू रानी पूर्णियां बिहार।

Leave a Reply

SHARE WITH US

Share Your Story on
info@teachersofbihar.org

Recent Post

%d bloggers like this: