लक्ष्मी पूजा एवं कोजगरा की हार्दिक शुभकामनाएँ आप सबों को।
विषय-गीत
शीर्षक-कोजगरा।
तर्ज-सावन का महीना
पवन करे शोर।
कोजगराक गीत नीतू रानी “निवेदिता”
आसिनक के महीना लक्ष्मी पूजा के शोर
राएत इजोरिया में होयत कोजेगरा भैया के मोर,
आसिनक महीना——-२।
गाए गोबर लाए अंगना निपाएब
अरबा चौर पीसी हम ऐरपन बनाएब ,
ताहि पर देब लाल सिन्दुरक ठोप
राएत इजोरिया में होयत कोजेगरा भैया के मोर,
आसिनक महीना——-२।
काॅ॑च हीं बाॅ॑स केर डलबा मॅ॑गाएब
केला दही, दूबि, धान सॅ डाला सजाएब,
ताहि पर दीप नेसब होयत सगरे इंजोर
राएत इजोरिया में होयत कोजेगरा भैया के मोर,
आसिनक महीना——-२।
पहिर ओढि भैया ऐरपन पर बैसथिन
पाॅ॑च पंडित मिली दुर्वा अक्षत देथिन,
माय, दादी, नानी कहथिन जुग-जुग जीबियह बेटा मोर
राएत इजोरिया में होयत कोजेगरा भैया के मोर,
आसिनक महीना——-२।
देब भैर गाम हम नोत हंकार
सबके खुआएब छप्पन प्रकार,
पान खुवाके करब
सबके लाले-लाल होंठ
राएत इजोरिया में होयत कोजेगरा भैया के मोर,
आसिनक महीना———–२।
बाॅ॑टब भैर गाम
खाजा, मखान, मिठाई,
ताहि संग बाॅ॑टब सोंफ, सुपारी
अहिबाती के लगायब तेल और सिंदूरक ठोप
राएत इजोरिया में होयत कोजेगरा भैया के मोर,
आसिनक महीना——-२।
नीतू रानी “निवेदिता”
स्कूल- म०वि०रहमत नगर सदर मुख्यालय पूर्णियाँ
