लिखाए दाएअ हौ पापा
सरकारी स्कूल में हमर नाम —२।
सरकारी स्कूल में आब सब कुछ मिलै छै,
खाना मिलै छै कपड़ा मिलै छै किताब मिलै छै काॅपी मिलै छै
नै लागै कुछो के दाम
लिखाए दाएअ हौ पापा —२।
सरकारी स्कूल केअ शिक्षक
बढ़ियाँ पढबै छै,
बच्चा जबतक नै समझै तब तक समझाबै छै
बोलै छै टोला और गाम।
लिखाए दाएअ हौ पापा —-२।
सरकारी स्कूल में भी खेलकूद होय छै
जे बच्चा जीतै छै ओकरा प्राइजो मिलै छै,
और मिलै छै खूब सम्मान।
लिखाए दाएअ हौ पापा —२।
सरकारी स्कूल में बच्चा केअ घुमाबइयों लाए लाय जाएछै ,
बढ़िया- बढ़िया तीर्थ स्थल और
शहर घुमाय छै
देखाबै छै प्राचीन गुफा राजस्थान।
लिखाए दाएअ हौ पापा –२।
नीतू रानी, विशिष्ट शिक्षिका
स्कूल -म०वि० रहमत नगर सदर मुख्यालय पूर्णियाँ बिहार।
0 Likes
